Forsøk: Pasteurisering av mjølk

Fakta

Mjølk som blir selt i butikken er pasteurisert. Det betyr at mjølka er varmebehandla, slik at dei fleste bakteriane er drepne. Meieria bruker lågpasteurisering, der mjølka blir varma opp til 72 °C i 15 sekund. I dette forsøket skal me varma opp mjølka til lenger, og til litt høgare temperatur, så me er på den sikre sida.

Ved pasteurisering blir ikkje bakteriane sine «skal-kapslar» (sporer) øydelagt. Etter ei tid vil det difor bli bakterievekst i mjølka igjen. For å hindra dette må me sterilisera mjølka, ved å varma den opp til over 100 °C under trykk i lengre tid. Då blir derimot næringsverdien til mjølka dårlegare.

Framgangsmåte

  1. Bruk pipetten til å få 10 ml mjølk i fire reagensrøyr.
  2. Merk reagensrøyra med nr. 1, 2, 3, 4, 5 og 6.
  3. Bruk varmebrennar/varmeplate og vassbad til å varma opp mjølka i reagensrøyr 1, 2 og 3 til 80 °C, slik at mjølka blir pasteurisert. Pass på å heile tida kontrollera temperaturen med termometer.
  4. Etter ca. 30 sekund bruker du kaldt vassbad til å kjøla ned reagensrøyr 1, 2 og 3 til romtemperatur.
  5. Set kork på reagensrøyr 3 og 6.
  6. Set reagensrøyr 1 og 4 i kjøleskap, og reagensrøyr 2, 3, 5 og 6 i romtemperatur.
  7. Undersøk korleis det går med mjølka i kvart av reagensrøyra etter éin dag, to dagar, tre dagar og fire dagar. Sjå på den og lukt på den, men ikkje smak!
  8. Lag eit observasjonsskjema som viser utviklinga i dei seks reagensrøyra.

Er det nokre forskjellar mellom mjølka i kvart av reagensrøyra?

Korleis kan ein forklara eventuelle forskjellar?

Material og utstyr

  • upasteurisert mjølk frå mjølkeprodusent
  • 1 pipette
  • 6 reagensrøyr
  • reagensrøyrhaldar
  • 1 begerglas med kaldt vatn
  • 1 begerglas med vatn til varmt vassbad
  • varmeplate eller gassbrennar
  • fyrstikker
  • termometer

Foto

(Foto: Colourbox)[/caption]

Kjelder

Steineger, Erik og Wahl, Andreas (2013). Nova 8: Naturfag for ungdomstrinnet. Oslo: Cappelen Damm.

Sist oppdatert:

Kategori:

Kropp og helse, Naturfag

Forfattar:

Meny
×

Slik bruker du tekst frå artikkelen

Denne lisensen gjev deg rett til å dela og bruka dette innhaldet på visse vilkår. Hugs å visa til forfattaren og Nettskulen.no som kjelde når du gjenbruker teksten.

Dersom du har spørsmål om bruk av innhaldet vårt, kontakt oss på e-post post@nettskulen.no

License

Creative Commons License Attribution-ShareAlikeCreative Commons Attribution-ShareAlike
Forsøk: Pasteurisering av mjølk