FØREMÅL: Denne improvisasjonsøvinga gjev deltakarane trening i å spela skodespel med overdrivne rørsler og følelsar.
UTSTYR: Ingenting.
FRAMGANGSMÅTE:
- Deltakarane blir sette saman to-og-to, og fordeler seg rundt i rommet med god avstand til dei andre para.
- Den eine deltakaren byrjar improvisasjonen ved å seia ein heilt kvardagsleg setning.
- Den andre deltakaren skal velja seg ei kjensle (til dømes sint, glad, frustrert, fortvila, forelska…), som skal overdrivast når han/ho svarer på setningen med ei omfangsrik og kjensleladd utgreiing.
Tips: Øvinga fungerer best når deltakarane greier å «sleppa seg laust», og bruka mykje kroppsspråk, stemme og overdrivne rørsler.
Døme på startarar:
Det er tysdag i dag. – Kva seier du?! Er det tysdag, i dag?! Og eg som trudde…
Du har kvitt skjerf på deg i dag. – Ja, er det ikkje fint?! Eg elskar kvitt! Og spesielt…
Så fint vêr det er. – Nei, det er slett ikkje fint vêr! Eg hatar når det er…
