FØREMÅL: Denne mimeøvinga er god til å trena opp samarbeidsevner og kreativitet. Gruppene kan òg konkurrera om å bli først ferdige, eller å mima best mogleg.
UTSTYR: Ingenting.
FRAMGANGSMÅTE:
- Deltakarane spaserer rundt på golvet.
- Instruktøren/leiaren roper kva deltakarane skal mima, og kor mange som skal vera med i kvar gruppe. (Til dømes «Fire og fire, bokstaven B».)
- Gruppene skal dannast så fort som mogleg, og deltakarane må samarbeida om å mima gjenstanden, utan å snakka med kvarandre. Deltakarane har likevel lov til å bruka kroppsspråk til å kommunisera.
- Medan alle gruppene mimar gjenstanden, gjev instruktøren/leiaren poeng til den gruppa som greidde seg best, raskast, mest kreativt, eller andre kriteria.
Døme på gjenstandar som kan mimast:
- Tal
- Bil
- Tre
- Kyrkje
- Pennal
- Sykkel
- Bokhylle
- Lenestol
- Trillebår
- Bokstavar
- Handmiksar
- Speglreflekskamera
