FØREMÅL: Denne øvinga gjev skodespelarane trening i å improvisera, samtidig som dei må gjenskapa noko dei nettopp har observert.
UTSTYR: Ingenting.
FRAMGANGSMÅTE:
- Heile gruppa blir delt inn i par.
- To og to par går saman, og fordeler seg rundt på golvet.
- Det første paret improviserer ein kort situasjon, og speler den ut med både replikkar og bevegelse.
- Under den første improvisasjonen står det andre paret og observerer situasjonen.
- Det andre paret gjenskapar situasjonen som dei nettopp observerte, med både replikkar og bevegelse.
- Det andre paret startar med å improvisera ein situasjon, og det første paret gjenskapar situasjonen som dei nettopp observerte.
- Para sirkulerer rundt i rommet, og finn nye par å jobba saman med.
Døme på situasjonar:
To elevar som møtest utanfor rektor sitt kontor.
Ein journalist som møter ordføraren.
Ein busspassasjer som møter billettkontrolløren.
