FØREMÅL: I denne mimeøvinga skal deltakarane samarbeida og jobba kreativt for å skildra ein kvardagsleg situasjon.
UTSTYR: Ingenting.
FRAMGANGSMÅTE:
- Del deltakarane inn i grupper på fire eller fem.
- Éin av deltakarane i gruppa skal spela ein person, medan dei andre skal mima ulike gjenstandar som denne personen treng.
- Situasjonen som skal mimast: Personen vaknar om morgonen, står opp om, tek morgonstellet, lagar og et frukost, og går til slutt ut av ytterdøra.
- Gruppa får 10-15 minutt til å førebu ei handling og fordela roller.
- Gruppene framfører situasjonane sine for dei andre gruppene.
Tips: Instruktøren/leiaren må påpeika for deltakarane at alle tinga som personen treng må mimast av dei andre deltakarane på gruppa, til dømes er det ikkje godt nok å mima at ein pussar tennene; éin av dei andre på gruppa må mima tannbørsten. Deltakarane som skal mima gjenstandar kan med fordel leggja på lydeffektar.
Døme på gjenstandar som kan mimast:
- seng
- klesskap
- klede
- dører
- toalett
- vask
- spegel
- tannbørste
- dusj
- handklede
- trapp
- kjøkkenskap
- kjøleskap
- mat
- skål/tallerken, glas, bestikk
- sko
- ransel
- paraply
