FØREMÅL: I denne konsentrasjonsøvinga må deltakarane øva opp korttidsminnet for å lukkast.
UTSTYR: Ingenting.
FRAMGANGSMÅTE:
- Øvinga byrjar ved at deltakarane spaserer rundt på golvet.
- Deltakarane byrja å handhelsa på kvarandre, medan dei seier namna sine tydeleg til kvarandre.
- Når deltakaren har helsa på ein annan, har dei òg overtatt namnet til den dei helste på.
- Deltakarane går vidare til nestemann, for å helsa og overlevera namna som sist.
- Etter ei stund stansar instruktøren/leiaren øvinga, og sjekkar om alle namna er jamnt fordelte og ingen gløymde.
Døme:
Deltakar A heiter Bjørn, deltakar B heiter Stian og deltakar C heiter Laila.
1. Først helsar A og B på kvarandre og seier sine eigne namn. Etter helsinga har A fått namnet Stian, og B heiter Bjørn.
2. B går vidare til C og helsar. Etter helsinga har B fått namnet Laila, medan C heiter Bjørn.
3. Deltakar C går vidare til A og helsar, og etter helsinga har C fått namnet Stian, medan A har fått namnet Bjørn.
Tips: Denne øvinga vil som oftast ikkje gå som planlagt – då det blir for mykje aktivitet og for mykje å hugsa på – så øvinga kan godt gjennomførast fleire gonger.
For nybegynnarar:
Det vil vera krevjande nok å berre bruka eitt namn (sjølv for deltakarar som har to førenamn).
For erfarne:
Prøv ei ekstra utfordring med å hugsa og byta både førenamn, eventuelle mellomnamn og etternamn.
