Stoff

Heile verda er bygd opp av ulike stoff, og det finst stoff overalt rundt oss i kvardagen.

Alle stoff kan delast inn i reine stoff og blandingar. Dei reine stoffa kan igjen delast inn i grunnstoff og kjemiske sambindingar.

Grunnstoff er bygd opp av berre éin type atom, som for eksempel jern (Fe), karbon (C) og neon (Ne). Jern finst mellom anna i boltar, karbon finn ein i grillkol og neon finst i lysreklameskilt. I periodesystemet finn du oversyn over alle grunnstoffa.

Grunnstoffet jern blir mellom anna brukt til å laga skruar og boltar. (Foto: Michael Schaffler/Pexels)Grunnstoffet karbon finn ein mellom anna i grillkol. (Foto: Mitchell Luo/Pexels)Grunnstoffet neon blir mellom anna brukt i reklameskilt. (Foto: Pablo Gentile/Pexels)

Kjemiske sambindingar består av fleire typar atom som har blitt bundne saman kjemisk, som for eksempel vatn (H₂O), bordsalt (NaCl) og druesukker (C₆H₁₂O₆).

Vatn er ei kjemisk sambinding. (Foto: Marcos Paulo Prado/Pexels)Bordsalt er ei kjemisk sambinding. (Foto: Jason Tuinstra/Pexels)Druesukker er ei kjemisk sambinding. (Foto: Sharon McCutcheon/Pexels)

Blandingar består av to eller fleire grunnstoff eller kjemiske sambindingar som er blanda saman, som for eksempel mjølk, stål og gjørme.

Mjølk er ei blanding av mellom anna vatn, protein, feitt, sukker og salt. (Foto: an_vision/Pexels)Stål er ei blanding av jern og karbon. (Foto: T.H. Chia/Pexels)Gjørme er ei blanding av vatn, jord, skit og liknande. (Foto: Gabriel Sanchez/Pexels)

Republish